Ki nong leh kam ba bha kiba na shnong Umkiang mynta ka sngi ki la leit rah sha thanat Umkiang ia kawei ka thuk thuk (M/cycle) ryngkat u nongniah jong ka, ia kaba ki la suba jur ba ka dei ka thuk thuk kaba la shu rong tuh ka bad hadien ba la tohkit da ki pulit la lap shisha ba kane ka dei ka thuk thuk kaba la shu rong tuh da utei uba niah.
Katei ka thuk thuk Yamaha ka dei kaba don u registration AS10G 0563 kaba la rong tuh da utei uba niah uba la tip kyrteng kum u Md Fakrul Haque bad u MD Anam Uddin na Patharkandi, Karimganj, Assam bad kila thmu ban leit rah sha Sookilo, East Jaintia Hills District, la don ryngkat lang ruh sa ar ngut kiwei pat kiba shong ha ka kali Alto kila la iabud lang ia ki.
Halor katei ka jingjia, ki pulit jong ka Umkiang Patrolling Post, mar mar hi ki la pyntip sha u O/C Patharkandi bad la tip shuh shuh ruh na u OC jong ka Patharkandi ba ka la don kawei ka ejahar ba la dep register katkum ka Patharkandi PS case No 105/2025 bad ki pulit Umkiang ki la leit aiti noh ia katei ka thuk thuk sha Patharkandi Police Station.