Ka Sawmer Sports Club ka la ioh ban khur 3 poiñ ha ka jingsdang jong ki ia ka jingiakhun na ka bynta ka lympung Shillong Premier League 2024 da ka jingjop da 3-2 pyrshah ia ka Nangkiew Irat Sports Club. Ia kane ka lympung la pyniaid da ka Shillong Sports Association (SSA) bad la pynlong ha madan SSA 3rd Ground Polo, Shillong.
Haba phai sha kawei pat ka jingiakhun, ka Nongrim Hills SC ka la ioh ban khur ei 3 poiñ khlem da ialehkai namar ka jingbym lah ka Laitkor SC ban pyndep ia ka jingpynrung kyrteng bad ban pynbiang ia ki jingdonkam ki kot ki sla bad ka AIFF.
Ki jingiakhun na ka bynta lashai ka sngi ka 17 tarik kan long hapdeng ka Nongthymmai SC pyrshah ia ka Ryntih SC ha ka por 11:50 mynstep katba Lajong FC kan iakhun pyrshah ia ka Langsning FC ha ka por 2:45 nohphai sngi ha kajuh ka madan.