Ka Hynniewtrep Integrated Territorial Organisation (HITO) Jowai Circle, ka la leit buh da ka jingthoh ne ka dorkhas ha u Chairman bad Secretary ka DSC ka West Jaintia, ha ka jingiadei bad kai rukom treikam ka DSC na ka bynta ban bud ryntih ia ki kyndon jong ka DSC na ka bynta ban long kaba khuid bad ba suba.
Ki nongialam ka seng ha ka shithi ka la kdew ruh ba ha ka result jong ka DSC LDA-cum-Typist kaba la dep (No. DSC.4/2013/2014-17/69, tarik 27 tarik u September 2019), ki jingeh kiba kum kine ki la mih, hynrei la ailad ïa ki candidate ban leh biang ia ka test wat hapdeng ki jingujor kiba bun. Ka seng ka dawa ia kane kajuh ka lad na ka bynta ki candidate ha kane ka kynti.
Shuh shuh ka seng ka la kdew ruh ba ha ka advertisement (No. DSC.3/ADVT/2012/125, dated January 26, 2021) la kdew ba don 54 tylli ki kam ba lait, hynrei ka result (No. DSC.3/Exam/Pt-III/2021/114, dated 28 November 2021). , 2014) la pyni ba tang 52 ngut ki la pass ia ka typist test bad ka shithi (No. DSC.5/Exam/Pt-III/2021/87, Dated Jowai ka 24 tarik September 2024) ki ong shai ba “Typing test kan long kaba biang ha ka jinglong, tang ki marks jong ka written test yn pyrkhat na ka bynta ka personal interview. Ka jingdon jong ki candidate ban shah khot na ka bynta ka personal interview kan long ha ka ration 1:2 katkum ka jingbthah jong ka of personal and administrative reform (B) department vide office memorandum NO.PER(AR) 49/2012/5, dt.17-11-2014”
Ka seng ka la ong ruh ba ia ka written exam la shim por ar snem shiteng, katba ia ka result jong ka typist test la pynmih tang hapoh shi taiew, khlem da pyntip sha ki kandidet.
Na ka laing ka seng ka kyntu ban pynbeit mardor ia kine ki jingeh. Lada ym lah ban leh kumta. Ka seng ka khmih lynti ia ka jinglong kaba shai bad ka jingbud ryntih ia ki rukom treikam ba la buh ha ka DSC.