Ka Khasi Students’ Union (KSU) Wapung Unit kala pyntip ba kan pynlong ïa ka jingpynkup burom ïa ki samla pule jong ki san tylli ki Area hapoh ka shnong bad ïa kane ka khusnam yn tip kum ka “5th U Woh Tep Kyndait Memorial Academic Award 2024”.
Ki samla pule jong ka thaiñ kiba poi sha khmat ha ka Exam SSLC bad HSSLC Bachelor’s of Degree (BSC, BCOM, BA) ka master’s Degree PhD, Engineering jong u snem 2024 na ki Board lane University bapher bapher (academic year 2024). Kane ka jingsam khusnam ka long kum shibynta ban pynshlur bad ban ai mynsiem ïa ki ban kin nangïai kiew shaphrang ha ki jingpule jong ki.
ki Area ba ka seng kan ai ïa ki Award kin long kumne harum:1. Mokhep 2. Wapungskur, 3. Wapungshnong 4. Tuber Kmai Shnong bad 5. Tuber Shohshrieh.
Kiba lah ban ïoh ïa kane ka award kin long kumne harum 1. SSLC Pass 60% shaneng (2023), 2. HSSLC Pass 60% shaneng (2023), 3. Bachelor’s degree pass 60% (2023), 4. Master’Degree Pass 60% (2023).
Ïa ki marksheet lah ban submit ha ki number kiba don harum bad ïaka por ban pynpoi ïaki Marksheet lane Zerox Copy kan dei naduh mynta ka sngi 15/10/2024 haduh 15 tarik u bnai December 2024. Ïaka tarik bad jaka ban pynlong yn sa pyntip hadien. Kane ka long katkum ka kyrwoh khubor na u Luckystar Rymbai, Education Secretary ka KSU Wapung Unit (+918413805987). **************************