Namar ka jingpynslem ka sorkar pdeng ban pyntreikam (Implement) ia ka Inner Line Permit (ILP) ha ka jylla, mynta ka sngi 22/10/2022 ka KSU EJHDU ka la buh la ka jong ka khyrdop talasi mynder ha Sonapyrdi East Jaiñtia Hills District.
Ka seng ka pyni ia kane da ka kam khnang ba ka sorkar India kan sngewthuh ban leh ia ka kaba donkam. Lada ka sorkar ka dang kuman bad pynslem, ka seng ruh kan nangiai bteng ban pynlong ka jingkhynra khlem shongthait.
Katba dangiaid ka talasi mynder, ka KSU ka la ioh bat ruh ki jingsong ba la teh bha ba ka seng ka suba jur ioh dei u kynja ne drug. Ha ka por ba bat ia katei ka kali private ba don ia u registration number AS 11 U 7010 ar ngut ki nongkhaïi ia utei u kynja ki la phet.
La suba shuh shuh ba kitei ki jingsong ki dei ki tiar beaiñ (smuggling). Kumta mar mar la ujor FIR bad la aiti sha ki bor jong ka aiñ. Ki pulit ki la lap ba dei u kynja ba khia haduh 28kg. Ka Anti Narcotic Task Force ka la pynshisha ba dei u kynja (ganja).
