![](https://i0.wp.com/yutipnews.com/wp-content/uploads/2024/07/IMG-20240709-WA0046.jpg?w=640)
Ka ABVP Jowai Town Unit mynta ka sngi kala pynlong ïaka Mini Marathon ha Jowai shi bynta ban rakhe ïaka “76th Foundation Day” ka ABVP bad ka National Students Day.
La pynlong ïa kane ka jingïakop mareh (marathon) shi bynta ban wanrah ïaka jingïatylli hapdeng ki khun samla bad ban ïoh ïa ka jingkoit jingkhiah haka met ka phad.
Ïa ka marathon la kaweh Lama da u State Sport Convenor ma Firstly Sari, haka jingdonlang ka State Joint Secretary samla Delis Shylla bad ki dkhot ABVP Karyakarta. La sdang ïa ka jingmareh naduh Kiang Nangbah Govt. College Jowai da kaba mareh lyngba ka sor Jowai bad pynkut ha stand Ummulong Jowai.
Baroh kiba la wan ban shim bynta ki don 60 ngut kynthup ïa ki khynnah skul, ki karyakartas bad ki nongïalam shnong, kum ka dak ban pynshlur ïa ki nongwan ïashim bynta, la sam ruh ïa ki khusnam bad ki syrnod ha ki kyrdan bapher bapher.
![](https://i0.wp.com/yutipnews.com/wp-content/uploads/2024/07/IMG-20240709-WA0044.jpg?w=640)
![](https://i0.wp.com/yutipnews.com/wp-content/uploads/2024/07/IMG-20240709-WA0051.jpg?w=640)