Ka Meghalaya SSA School Association (MSSASA) Central Body mynta ka sngi ka 14 tarik Nailar 2025 ka wan pyntip paidbah ha Shillong Press Club halor ka jingpyntreikam ka tnad pule puthi ban siew tulop noh da ka App Megh Sims Portal sha baroh ki nonghikai SSA.
Haba kren sha ki lad pathai khubor na ka liang u President ka Meghalaya SSA School Association u Bah Aristotle C Rymbai u la pyntip ba ka kynhun ka la wan iakynduh ia u Director ka tnad pule puthi haba iadei bad kane ka jingpyntreikam thymmai ka tnad pule puthi ban siew tulop da ka Apps Megh Sims portal sha baroh ki nonghikai SSA.
Shuh shuh u la ong haba iadei bad ka jingpyntreikam ka tnad pule puthi ban siew tulop noh da ka apps ka long kaba sngewtynnad ia kaei kaba ka tnad pule puthi ka shim ia kane ka sienjam ban wanrah ia ka jingkhuid jingsuba haba iadei bad ka jingsiew ia ka tulop.
Halor kane ka jingpyntreikam ka tnad pule puthi da kane ka app ka don ruh ka jingeh ia ki nonghikai bad ka kynhun ka la pynsngew ha u Director ka tnad pule puthi ia kine ki jingeh ba ki nonghikai ki iakynduh halor kane ka apps.
Shuh shuh u la bynrap na ka liang u Director u la pyntip kumno kane ka apps kan treikam bad kan iarap ia ki nonghikai hadien habud bad u la pyntip ruh ba u Director u la pyntip kan don ruh kawei ka help desk ka ban iarap ia ki nonghikai kiba iakynduh jingeh haba iadei bad ka jingpynrung bakla ia ka kyrteng, ka por ba sdang ia ka kam hikai bad kiwei kiwei, bad ka tnad pule puthi kan sa shim ia kine baroh kiba la leh ha ka help desk apps, bad kan lum bad buh ha kane ka apps Meg sims Portal bad kan treikam da kane ka apps ban siew ia ka tulop jong ki nonghikai SSA.
Khatduh u la ong, na ka liang u Director ka tnad pule puthi u la pyntip ba ka jingpynrung kyrteng khatduh kan long ha une u bnai September 2025, bad u la kyntu ia ki nonghikai ba kim dei ban kyrkieh ban peit ia ki kot ki sla lyngba kane ka apps ba wanrah da ka tnad pule puthi jong ka Sorkar jylla bad u Director u la pyntip ruh ia ka kynhun ba ki nonghikai ki lah ban peit lyngba ka YouTube Channel jong ka tnad pule ba la tip kum ka Education Department Meghalaya ba ki lah ban peit ha kane ka YouTube Channel ia ka jingpynrung ia ki kyrteng ha kane ka apps thymmai.
