U Myntri Rangbah ka jylla u Conrad K Sangma mynta ka sngi ka 16 tarik Risaw 2025 u la lum ia ka jingialang bad ki nonghikai skul SSA ha ryngkat ka jingiadonlang u Myntri ka tnad pule puthi u Bah Lakmen Rymbui, u Commissioner ka tnad pule puthi u Vijay Kumar Mantri,bad ki Ophisar ka tnad pule puthi.
Haba kren sha ki lad pathai khubor hadien ba la wai ka jingialang,na ka liang u President ka MSSASA u Bah Aristotle Rymbai u la ong ka jingkynduh mynta ka sngi ka long kaba seisoh ha kaba u Myntri Rangbah u la pynpaw ba ka Sorkar kan iada ia ka hok jong ki Nonghikai SSA hapoh kawei ka jylla.
Nalor kata u la ong haba iadei bad ka jingkyntiew tulop, na ka liang ka sorkar kan pyntreikam da ka pay Structure ia baroh ki nonghikai Skul SSA kynthup ia ki Fourth Teacher.
Khatduh u pyntip ba ia kane ka jingialang bad ka sorkar yn sa rah hakhmat ki nonghikai SSA.
