Ka Hynñiewtrep Border Dispute Redressal Forum (HBDRF) ka la khot lawer ïa baroh ki paid ka Bri U Hynñiewtrep ban wan ai jingkyrshan ïaka Rally bad ïalang paidbah ka ban sa long ha sor Jowai haka 3 tarik May 2025. Ka rally kan sdang na Lad Kiang Nangbah Government College lyngba ka mainroad Jowai haka por 12:30 pm shaduh sha District Library Mynthong Jowai bad pynlong artad yaka jingïalang hapoh jong kane ka Hall. Ki mat ki jura kane ka Rally bad jingïalang ka long ban pynpaw sha ka sorkar halor ki jingeh jong ki paid Khasi Pnar haki shnong khappud bad ban re-transfer ïa ka Block -I & II na Assam sha Meghalaya kumba la pruid dak daka sorkar Assam hi naduh ka snem 1957-58.
Ka Forum ka pyntip ruh ïa ki Seng bhalang baroh ba ki lah ban wanrah ïaki lama jong ki, ki banners ki posters tangba ki jingthoh ki dei ban long katkum ka phang bala buh.
Ka Forum ka kyntu ruh ïaki lok ki jor baroh kiba wan shakane ka rally bad jingïalang ba kin burom ïaka shong suk shongsaiñ bad kim dei ban leh ne kren kino kino ki kam khlem akor lymne shim kabu ban pynthut ïaka shongsuk shongsaiñ. Bad lada don kum kita ka Forum kam lah ban bahkhlieh.
La pyntip ruh khamtam eh iakito kiba wan naki jaka kiba jingai ba kin sngewbha ban pynkhreh hi ïaka bam ka dih lane ka ja sngi.
Sa shisien ka Forum ka ïakhot ïawer ïa baroh ki khun Ka Bri U Hynñiewtrep ban wan sha kane ka rally bad jingïalang ha katei ka sngi, ka por bad ka jaka bala buh.
Iakane ka kyrwoh la pyllait da u Bah Chandame Sungoh Chairman ka HBDRF.