Ka BJP Meghalaya Unit hapoh ka jingialam U President u Rikman G Momin ha ka 13 tarik Lber 2026 ki la leit ban kynduh ia u lat ka jylla u CH Vijayashankar ban pynsngew halor ka jingjia dang shen ha Garo Hills.
Haba kren sha ki lad pathai khubor u Nongaiktien ka Seng BJP Meghalaya Unit U Bah M. Kharkhrang u la ong ba ka BJP ka kyrpad ia u lat ka jylla u CH Vijayashangkar ban pynlong da ka dorbar kaba kyrpang ha Garo Hills Autonomous District Council na ka bynta ban ïatai halor ka AD Rule.
Nalor kata u la pynpaw ruh ba kiba kwah ban iakhun ia ka MDC Elekshon sha Garo Hills Autonomous District Council ki dei ban don ia ka Scheduled Tribe.
Ka Seng ka kyntu ruh ia u Lat ka jylla ban shimkhia mardor ia kane ka kam khnang ban wanrah noh ia ka shongsuk shongsaiñ ha Garo Hills.
