Ka Seinraij Jwai ryngkat ka Dorbar Niam ki khun ka Raij Jwai ha ka 14tarik Aprilki la pynlong ka jingialang pdiang burom ia ka jingiaidlynti ki Mawbynna ba la wanrah na Raij Narwan, East Jaintia Hills, Elaka Shangpung ki ban long ki maw sahnam jong ka Lympung ba 33 ka Sengkhihlang ha Shnong Tyrsad, East Khasi Hills.
Ha ka jingialang pdiang burom ba la pynlong ha Myntdu, Pynthornein ha ka jingiadonlang u Dolloi Elaka Jwai Waheh Puramon Kynjin, ki waheh wasian ka Seinraij wa ki waheh wasian ka Niamtre na kiwei ki Raij ki shnong,u Arwotki Sumer, General Secretary Seinraij u la ai ki kyntien kitbok kitrwiang katba u Raymond Nyrtiang, Pator Raij Jwai u la pyndep ia ka niam ka rukom ryngkat ka ngooh ka dem bad ka suit ka shor khnang ba ka jingiaidlynti ki mawbynna kan long kaba shongkun shongblei ryngkat ka phuh ka phieng ka niam ka rukom.
Ia kine ki mawbynna yn pynieng ha ka sngi ba bud 15 tarik April khnang ba kin long ki maw sahnam sahkynmaw ia ka Lympung ba 33 ka Sengkhihlang ka ban long ha shnong Tyrsad.
