Ka Jowai Presbytery ka la rakhe burom ia ka sngi kynmaw mariang ne ka Word Environment Day da ka ba pynlong ia ka jingai jinghikai (training) ba shi sngi ha ka 4.6.22, ha ka Balang Presbyterian Demthring, West Jaiñtia Hills.
Ki nongiashim bynta kila wan sha kane ka training ki kynthup na ki 17 tylli ki Balang kiba hap hapoh jingkhmih jong ka Jowai Presbytery. Ka phang jong kane ka training ka long “Kumno ban sumar ia ka Mariang bad ki sawdong sawkun jong ka”, Ia kaba la wan ban ai jinghikai ha katei ka sngi da u ma Franky Well Blah, uba dei u Chief Forest Officer jong ka Jaintia Hills Autonomous District Council.
U ma Blah haba ai jinghikai ha katei ka sngi u la pynkynmaw ba ia ka World Environment Day la buh kyrpang da ka United Nations Assembly ha u snem 1972. U la ai jinghikai ruh shaphang ka Solid Waste Management kumno ban pyniakhlad ia ki ñiut kiba pyut bad ki bym pyut. U la ban jur ia ki nongiashim bynta ban shim ka jingkitkhlieh ban pynneh pynsah ia ka mariang. U la hikai ruh shaphang ka rukom shim symbai na ki jait dieng kiba la don hapoh ri la jong bad u ong, ka kham bha ban thung ia kine ki jait dieng ki ba la im lypa ha ki khlaw jong ngi. U pynkynmaw ruh ‘Ba haba ngi thung dieng ngi dei ban pyrkhat la ka dei ban ioh jingmyntoi ne ban pynneh pynsah ia ka mariang’.
la ka jingialang la pyniaid da u Rev.K. Dkhar ba dei u Chairman ka Socio Economic and Life Development Committee.
Hadien ba la wai ka Training la pynlong ka jingiathung dieng haduh 500 tylli ha ka jaka jong ka Balang Presbyterian, Demthring.
