Ha ka 11/03/2026 kaba long sngi ba pynlong ia ka Fete Skul jong ka Mukhla Raij Higher Secondary School, u ma Wailadmiki Shylla MLA ka 2 Jowai uba dei ruh u Minister ka Sorkar Jylla ba dei peit ia ka tnad Sports & Youth affairs bad ka Health & Family Welfare, u la ai da ka tulop jong u, kaba shibnai ha ka dor Rs 2, 02,000 (Ar Lakh Ar HajarTyngka) na ka bynta shi snem khnang ba ka SMC School kan ioh ban siew tulop ia ki Nonghikai jong ka Mukhla Raij L.P bad Higher Secondary School.
Ha kane ka sngi na ka liang jong u ma Wailadmiki Shylla u la pynbna paidbah ha man la u snem un ai jing iarap pisa sha kane ka Skul na ka tulop ba shibnai jong u ha manla u snem katba u dang long u MLA ka 2 Jowai Constituency. U ma Wailadmiki Shylla MLA ha kane ka sngi pynhap pyrda ia ka Fete skul u la kular ruh ban pyndep ban pynshna ia ka madan Stadium ba thymmai da u Artificial Tuff hapoh une hi u Snem. Kumjuh ruh na ka liang u Myntri Sorkar u la kular ruh ba ka Sorkar kan sdang noh pynshna ia ki Building jong ka Nursing School hapoh une hi u snem. Ia kane ka Nursing School ha Mukhla, ia jaka ban shna ia ka la dep ban ai sngewbha da ka Mukhla Dorbar Pyllun sha ka Health Department Government of Meghalaya.
Kane ka long katkum ka jing pylliat khubor u ma Hachwa Suna uba long ruh u General Secretary ka Mukhla Dorbar Pyllun cum Chairman SMC.
