KaThe Birds & Bees Talk (TBBT), Plan International (India Chapter) ha ryngkat ka jingïatreilang bad ka ophis treikam jong ka District Mission Coordinator, SSA West Jaiñtia Hills ha kane ka 28 tarik u Risaw kila pynlong ïaka Workshop ba shisngi halor ka phang ‘Adolescence Mental Health and Sexual Education’.
Ïa kane ka prokram la pynlong ha District Library Auditorium, Jowai bad la wan ban ïashim bynta da ki nonghikai na ki lai tylli ki Block hapoh ka West Jaiñtia Hills District.
La wan ban donlang ha kane ka Workshop da ka kong M. Lakiang, District Mission Coordinator, SSA West Jaiñtia Hills kaba la ai jingkren ban pynsngew sha ki nongwan ïashim bynta shaphang ka thong jong kane ka prokram bad kala kyntu ïa ki nonghikai ba long kiba ïatreilang halor ka jingthmu ba bha jong ka The Birds & Bees Talk (TBBT), Plan International (India Chapter)
Ka Pf. Leshiphro Kashena, State Lead (TBBT), Plan International (India Chapter) kum ka riew shemphang haba ai jingbatai sha ki nonghikai shaphang ki jingsniew kiba lah ban mih na u Drugs, Sexual Education, Adolescence Mental Health bad kum ki nonghikai kin hap ban leh ïa ki Online Test.
Shuh shuh na ka liang ka Pf. Leshiphro Kashena, State Lead TBBT, kala ong ba kane ka dei ka sien ba nyngkong jong ka jingsdang ban wan ïuhkjat hapoh ka District bad kala kyrpad jur ïa ki nonghikai baroh kiba wan ban ïashim bynta ha kane ka Workshop ban kin shimkhia ban pyndep ïa ki kam kiba la buh thong ban leh ha manla ki skul katkum ki kot ha ryngkat ki form kiba la ai sha baroh ki nonghikai.
