U Superintendent of Police (Traffic) ka East Khasi Hills u K. Prasad, mynta ka sngi ka 16 tarik jylliew 2025 u la pyntip ba ki la ioh jingbthah na Commissioner ka tnad Transport ban pyrkhing halor ka jingshim wai ia ki kali shimet.
Haba kren sha ki lad pathai khubor u la ong hadien ba la ioh jingbthah na ophis u Commissioner sha baroh ki pulit pyniaid kali kiba ha East Khasi Hills ba kin peit bniah halor ki kali shimet kiba ai wai bad lada lap ba don kiba pyniaid ia ka jingai wai khlem da don ia ki permit ne registration kin shah pynshitom katkum ka ain̈.
Shuh shuh u la ong watla ia kane ka hukum la pynmih ha East Khasi Hills, hynrei yn pyntriekam ha baroh kiwei ki district jong ka jylla.
U SP traffic u la pyntip ruh ba ka tnad pyniaid kali ka la buh ruh ia ki jaka talasi ha kylleng ka nongbah Shillong ban mana ia ki riewshimet kiba stun bike bad niah kali khlem akor.
U SP u la bynrap shuh shuh ba kine ki jingkhynra kin nym long tang ha ka nongbah hynrei yn pyniar ruh shaduh ka New Shillong bad kiwei kiwei ki jaka ba marjan.