Ka seng Federation of Khasi Jaintia and Garo People’s Khliehriat Circle (FKJGP-KC) hapoh ka jingialam u President ka seng u bah Michal Chyrmang bad u General Secretary ka seng u bah Fullmoon Nongtdu ryngkat ka jingsynranlang da ki nongialam ka FKJGP-East Jaintia Hills, mynta ka sngi ka seng kala ioh ban iarap iala u jong u dkhot ka seng uba kyrteng u Yooky Syngkon uba shong ba sah ha ka Shnong Khliehriat East (East Jaintia Hills), ka seng kala synniang ia utei u dkhot da ki Cement kumba 60 byrni.
Ha shwa ban aiti ia kitei ki Cement sha katei ka longiing la pyllong iaka jingialang ba lyngkot kaba pyniaid da u President ka FKJGP-KC u bah Michal Chyrmang hadien kata la ioh ia ka jingkren na u General Secretary ka FKJGP-KC u bah Fullmoon Nongtdu bud sa ka jing ai jingkren na u General Secretary ka FKJGP-East Jaintia Hills u bah Deihok Sumer pynbud biang daka jingkren na u bah Wilking Swer uba dei u Vice President ka FKJGP-East Jaintia Hills bad pynbud ka jingai jingkren na u trai ka iing uba dei ruh u dkhot jong ka seng u bah yooky Syngkon bad khadduh ki kyntien ai khublei la ai da u Wanky Lyngdoh uba dei u Vice President ka FKJGP-Khliehriat Circle, ia kitei ki Cement la pynkhamti ha u Wilking Swer uba dei u Vice president ka FKJGP- East Jaintia ban aiti sha kitei ki longiing.
Ka jingiarap jong ka seng ia utei u dkhot la jong kadei hadien ba utei u dkhot ula pan ka jingiarap na ka seng namarba u don ka jingthmu ban pynshna iing iala ka lok bad ki khun namarba katkum ka dustur khasi Pnar hi dei tang ka khun khadduh ka ban shong iing Mei kiba tam kin hap pynshna iala ka iing lajong, na ka liang jong ka seng ruh marsien ioh ia ka jingkyrpad na utei u dkhot ka seng kala phah tohkit shwa ban ai ia ki jingiarap bad hadien ba ka seng kala shem ba une u dkhot u donkam shisha ia ki jingiarap namar ba u dei u briew uba duk ba rangli bad u da thrang shisha ban pynshna iing ia la ka lok bad ki khun.
Khadduh ka seng kala ai khublei kyrpang sha baroh ki dkhot ka seng kiba pyllait por ban iadon bynta mynta ka sngi bad khamtam sha uwei u paralok uba naka Shnong Byndihati uba juh iarap bha iaka seng na kapor sha kapor bad lyngba ka jingiakren bad jingrap jong u ba ka seng ka ioh ia kitei ki Cement na ki Company Cement haka dor kaba tad duh.