Ka kynhun ki myntri ka sorkar kmie hapoh ka jingialam u Myntri Rangbah u Narendra Modi, ka la mynjur ia ka jingthmu ban pyllait ia ka “PM-eBus Sewa” ban pynroi bad pynbun ia ka jingtrei kam ki bus paidbah ha sor da 10,000 tylli ki e-bus ha ka PPP model. Ka jinglut jingsep jong kane ka jingthmu (scheme) ka long kumba T. 57,613 crore, ha kaba T. 20,000 crore yn ai da ka Sorkar Kmie (Central Government). Kane ka jingthmu kan kyrshan ia ka jingtrei kam ki bus na ka bynta shiphew snem.
Ia kane ka scheme yn pyntrei kam sha kumba Lai lak tylli ki shnong kiba kham bun ki nongshong shnong katkum ka khana samari 2011 kynthup lang ia ki nongbah jong ki jylla ba hap hapoh ka jingshynshar ka sorkar kmie (Union Territories), ki jylla Shatei Lam Mihngi (North Eastern Region) bad ki jylla Riewlum (Hill Stated). Hapoh kane ka scheme yn ai shwa sha ki shnong ki bym don ki bus kamai paidbah.
Kane ka Scheme kan pynmih kumba 45,000 haduh 55,000 hajar tylli ki kam ki jam lyngba ka jingpyllait ia ki 10,000 tylli ki bus paidbah ban trei kam ha ki jaka sor.
Ka jingthmu jong kane ka skhim ka long ban pynheh bad pynbun ia ka jingtrei kam ki bus kamai (ha 169 tylli ki shnong).
Ka jingmynjur ia kane ka scheme kan pynroi ia ki bus kamai ha ki shnong da 10,000 hajar tylli ki e-bus hapoh ka Public Private Partnership (PPP) model.
Ki kynhun ne seng kiba ioh ban pyniaid ia kine ki kali, kin hap ban pynbiang ban pynthymmai/ban kyntiew kyrdan ia ki jaka pynieng ia kine ki bus bad ban pynbiang ia ki jaka ai bording ba la pyndait da ki battery ha ki jaka sangeh na ka bynta kine ki e-bus.
Kane ka scheme ka don ka jingthmu nyngkong eh ban pyntreikam ia ki bus, ban pynbiang ia ki jaka ieng, ki jaka ban pynieng ia kine ki bus ki ban leit sha ki jaka bad shnong bapher bapher, ban pynbiang ruh ia ki kor (machine) lum pisa bad ki jaka ban charge ia kine ki bus.
Ka jingkyrshan ia ki nongpyniaid ia kine ki bus : Hapoh kane ka scheme, ki jylla/shnong kin hap ban shim khia ban ia ka jingpyntrei kam ia kine ki bus bad ban siew ia ki nongpyniaid. Ka Sorkar Kmie kan kyrshan ban pyniaid ia kine ki bus da kaba kan ai jingiarap pisa kat kum ka jingthmu jong kane ka scheme.
· Kane ka scheme kan kyntiew bad ai jingiarap na ka bynta ban pyniaid bad pyntreikam ia kine ki bus kiba iaid da ki battery
· Yn iarap ruh ia ki shnong ban pynbha ia ki jaka ai bording (energy) ia kine ki bus hapoh ka jingpynsdang ia ka Green Urban Mobilitity
· Ka jingpyrshang ba nyngkong kan long ym tang ban kyntiew ia ka jingroi jong ki jylla ha ka jinglah jong ki ban pyntreikam ia kane ka scheme hynrei ban sumar ban wanrah ia ki rukom thymmai ha ka bynta jong ka e-mobility hynrei ruh ban lah ban pynbiang ia kine ki electric bus.
· Kane ka scheme kan iarap ruh ha ka jingpynlut adkar ban kiew ha ka jingthied ia ki electric bus lyngba ka jing pynmang ia ki e-bus.
· Ka jingpyndomkam da ki kali ba pyniaid da ka bor ding kan iarap ban pynduna ia ka jingsawa bad ka jing pynjaboh ia ka lyer bad kan iada ruh na kaba pynmih ia ka carbon kaba long ka lyer bih. (PIB)