Mynta ka sngi ki paid nongkyrshan jong ka seng NPP, kila ïatuid sha ka Rally jong u kyrtong ka NPP ka 7-Nartiang-Wahiajer Constituency u ma Reformingson Lamare ha shnong Wahiajer kaba dei ka Constituency jong u ma Sniawbhalang Dhar, kaba dei artad ka sngi pynkut ïa ka jingïalap Election MDC sha kiDistrict Council.
Ki paidbah nongkyrshan da ki hajar hajar ngut kila wan sha katei ka jingïalang paidbah ban ïoh sngap ïa ki nongrim jong ka seng NPP, ha ryngkat ka jingwan synran lang jong u symbud myntri rangbah ka sorkar jylla u ma Sniawbhalang Dhar bad ki nongïalam ba ha khmat eh jong ka Party.
U ma Sniawbhalang Dhar haba ai jingkren ha kane ka sngi u la ong ka shnong Wahiajer ka dei ka Champion ha ki saw tylli ki term jong ka jingïakhun jong u kum u MLA bad u don ka jingkyrmen skhem ba u kyrtong MDC ka party u ma Reformingson Lamare un jop don burom ha kane ka kynti. Ula pynsngew ba ka jingdon Vote jong kane ka Constituency kala poi sha ka 9300 vote la tikna kiba wan thep vote kan poi sha ka 8100 vote kaba lah ban poi 88 present, kaba sngewkmen eh ïa u ka long kiba bun na ki shnong hapoh ka 1-Nartiang Constituency kila wan ban ai ka jingkyrshan pura ïa u kyrtong ka seng ha kane ka kynti. “Kino kino ki kam pynroi kiba wan hapoh ka Constituency kidei lyngba ka jingtrei shitom jong ki nongmihkhmat, kumta kaba donkam mynta ban jied ïa u nongmihkhmat uba shisha bad uba trei ïa ki kam ba bha” ong ma Sniawbhalang.
Ula kyntu ia ki paidbah ka Constituency ba kin mih dangstep ha ka 21 tarik u Rymphang ban leit thep ïa ka vote ba kordor jong ki, da ka jingkyrmen ha ka 24 tarik u ma Reformingson Lamare un ïoh beit ka jingjop. Lada u ma Reformingson Lamare un jop ïa kane ka Election MDC ka long kumba ïoh ïa ka Double Engine kaba treikam baroh san snem namar ma u kum u MLA un long uba kloi ban ïarap ïa ki kam jong u MDC. U la ai ka jingïaroh ïa ka sorkar MDA kaba ïalam ïa ka sorkar la 7 snem mynta bad kaba lah ban neh haduh bakut jong ka samoi. Shuh shuh ula pynsngew wat jied ïa kiwei pat ki party kiba thymmai bad ki bym lah ban treikam eiei, ula ong wat ka party VPP la tikna ba ngin jop ïa ka namar ba ka long kaba ibeiñ sorkar, ka party Congress kaba la don mynta ha ka ICU kaba la jan kut noh, katba ka party UDP kaba neh hajuh khlemkiew khlem hiar bad dei tang ka party NPP kaba dei ka Right Choice jong ki paidbah ban pynjop don burom ïa ka ha kane ka kynti, la pynkut u ma Dhar.
