Kumba shisien shisnem ka Proseshon Iukharist, ka Parish Nangbah, Jowai Diocese kala pynlong ïa ka Proseshon Iukharish hynne ka sngi 26 tarik ha Nangbah, ha kaba da ki hajar ki paid riewngeit na ki Parish bapher bapher jong ka Dioceses, kila ïawan shim bynta ha kane ka Proseshon.
Ha ka por 10 waje mynstep hapoh ka jinglamkhmat u Rev. Father Ferdinand Dkhar uba long ruh u Diocesan Administrator ka Jowai Diocese ha ryngkat bad ki Phadar kiba wan na ki Parish ka Diocese, la pynlong ïa ka jingkñia Mass Iukharish, ha kaba da ki hajar ki paidriewngeit kila ïashim bynta ha kane ïabam ka ïasip ïa u kpu u rynsi uba long ka met bad ka snem jong u Trai Jisu Khrish.
Ha ka por 1 baje shiteng nohphai sngi la pynlong ïa ka jingïaid Proseshon kaba la sdang na madan Parish bad ïaid lyngba ka dong Dukhu-Dong lumshor, Iawmusiang leit phai biang sha madan Parish.
Hashwa ban ïoh ka jingkyrkhu ba kyrpang da ka Sacrament bakhuid tam ka duwan na kti u Phadar Ferdinand Dkhar, la ïoh ïa ka jingkren sneng kren khraw bad jingkyntu kynpham kaba sngewtynnad ïa ki paid riewngeit da u phadar Kitbok Mylliem Umdang bad pynkut da ka jingkyrkhu da ka Sakrament bakhuid tam ka duwan.
