Ka Behdeiñ jong ka Raij Ialong ka la poi sha kaba kut hynne ka sngi (7/8/2022) ha kaba da ki hajar ngut ki paidbah kiba na jan bad na jngai kila wan ia sakhi lang ia kane ka sngi pynkut ia ka Behdeiñkhlam jong ka Raij Ialong, nalor ki kyrnrem ki lyndan kiba kynthup ia u ma Dawakhiat Lamare Myntri ka sorkar jylla ba dei peit ia ka Transport etc, ma Wailadmiki Shylla MLA, ma Shitlang Pale MLA, ma Lakhon Biam MDC JHADC, ma Andrew Awhai Shullai MDC, JHADC, ma Puramon Kynjing Dolloi Elaka Jowai, ma Moon Garod, Dolloi Elaka Nangbah, ki riewkhmat ka Raij Ialong bad kiba la shahkhot sngewbha.
U ma Dasakhiat Lamare uba long u Kongsan ha ba kren ha kane ka sngi, u pynpaw ia ka jingkmen haba u la ioh kane ka lad ban ia sakhilang ia kane ka sngi pynkut ia ka Behdeiñkhlam jong ka Raij Ialong, u ma Dasakhiat haba kren kum u kongsan, u pan ia ka jingkyrkhu kyrdoh na u Blei Nongbuh Nongthaw ba un nangtheh sei ia ki jingkyrkhu kyrdoh ia ki khun ki hajar jong ka Raij ba kin nangroi nangpar parum pareh u Tnum u Tyndai, ba kin nangkoit nangkhiah bad ba kin nangbha nangmiat ka longbriew man briew, ha ka tipbriew tipblei bad ban nongrah ia ka nam ka burom jong ka Raij ha khmat ka pyrthei.
Ha kane ka sngi la don kumba 10 tylli ki Rot rong, ha ka jingairong airup kiba pher bapher kiba la wan rah napoh ka Raij Ialong bad kiba na Wahiajer bad Nongkhyllep.
Ha kane ka sngi la ioh ruh ia ka jingkren pdiang burom ia baroh ki nongwan sakhi ia kane ka sngi pynkut ia ka Behdeiñkhlam jong ka Raij Ialong da u ma Pyrkhat Shylla uba long ruh u President ka Seiñ Raij Ialong.
