Mynta ka sngi ha ka por 3 baje ei ei janmiet ka seng Federation of Jaintia People (FJP) hapoh ka jingialam jong u President ka seng u Thimothy Pala, kala ioh ban leit synñiang da ki jaiñ kupthiah syaid (Kombol) ryngkat ki jaiñ siangthiah kum ka jingiarap bad ka jingsngewlem ia ka longïing jong i kong Dymmai Nongtdu, na ka daw jong ka jingshahbam duh ha ka ding myn ha kane ka 25 tarik u Rymphang 2022 ha shnong Ladrymbai Dongwah.
Ha kane ka sngi la iadon lang u General Secretary Vinsen Makhon ryngkat ki dkhot jong ka seng. Na ka liang ki nongialam jong ka seng ki buh ruh ka jingkitbot kitrwiang ia ba roh ki dkhot jong kane ka longïing ba kin ioh ia ka met ka phat kaba koit ba khiah bad ba kin ioh ruh ia ka jingdap jingbiang ha kine ki sngi ban sa wan.
