Ka Meghalaya People United Front (MPUF) Mukhaialong Sanshnong hynne ka sngi haka jinglam khmat u President u samla Jonny Phawa, ryngkat ka jingiadonlang u Vice President samla Sciencetis Sana, u General Secretary Ialamki Sana bad kiwei de ki dkhot kala ioh ban ai snewbha daki Jersey sha ka Mukhaialong Dong Marong Sport Club.
Ha kane ka sngi na ka liang ka Mukhaialong Dong Marong SC, kala kitbok kitrwiang ia ki nongialam bad ki nongkitkam jong ka seng kaba la kloi ban ai jingiarap sha kane ka Club jong ka shnong Mukhaialong Dong Marong, kaba la pynpaw ruh ba ka MPUF ka dei kaba kloil ban peit ia ki jingeh ne jingjar jong ki longiing ne ki kynhun bapher bapher ha ki bynta bapher bapher kala pynpaw ruh ia ki jingkyrkhu kyrdoh ia baroh ki dkhot jong ka seng ba kin ioh ka met kaba koit ba khiah khang ba kin nangioh ban trei shuh shuh ia ki kam babha na ka bynta ka ri bad ka jait bynroew.
Na ka liang u President u samla Jonny u la kyntu iaki players jong ka ne ka Club ba kin pyndon kam hok ia ka sap ka pong ba ki la don, khnang ba kan long ka jingmyntoi ia ki, khamtam ruh ki dei ban kiar na ki jngpynliem basniew da kaba pynliet jingmut ha ki kam ialehkai bad kiwei de ki kam kiba tei ha ka imlang sah lang.