Da ki khusnam sam ka tnat Horticulture ban pynshlur shuh shuh ïa ki nongrep jong ka District

Ka tnat District Horticulture jong ka West Jaiñtia Hills District, mynta ka sngi ba pynlong ïa ka Horti Fair cum Exhibition, ha Dorbar Hall jong ka Shnong Ladthalaboh kala sam ruh da ki khusnam sha ki nongrep kiba jop ha ka jingpyninam ïa ki mar rep jong ki.

Ïa kane ka jingsam khusnam la pynbynta ha ki saw bynta. Ha ka ‘Potted House Foliage Plants and Creeper Category’ ia ka 1^st prize bad 3^rd prize la ïoh da ka kong Lanalut-I Syngkon na ka shnong Priang bad ïa ka nam 2^nd prize la ïoh da ka kong Christian Suchiang na ka shnong Mulum.

Ha ka ‘Foliages Category’ ka kong Lanalut-I Syngkon na ka shnong Priang kala ïoh rah biang ïa ka 1^st prize bad ka 3^rd prize, katba ïa ka 2^nd prize la ïoh da ka kong Daplin Lyngdoh na Jowai.  

Ha ka ‘Fern Category’ ka kong Julie Ryngkhlem na ka shnong Wapung ka la ïoh ïa ka 1^st prize, ka kong Iohkmen Phawa na Wahiajer ka la ïoh ïa ka 2^nd prize bad ka kong Emilin Talang na ka shnong Nartiang ka la ïoh ïa ka 3^rd prize. Ha ka ‘Bonsai Category’ u ma Emborlang Phawa na ka shnong Wahiajer ula ïoh ïa ka  1^st prize, ka kong Sabina Syngkon na Lad- Mukhla ka la ïoh ïa ka 2^nd prize bad ka Willingly Litting ka la ïoh ïa ka 3^rd prize.