Ha ka jingialang jong ka Nartiang Block Congress Nartiang Assembly Constituency, kaba la long hynne ka sngi (25/05/2022) ha Khrist Syiem Secondary School ‘s Hall, Parish Namdong ka long kaba shongshit ha kaba da ki spah ngut ki Nongkyrshan jong ka Seng Congress jong ka 1-Nartiang Assembly Constituency ki la ia wan sha kane ka jingialang.
Ha kane ka sngi da ki phewngut ki Rangbah bad ki longkmie ki la pynrung ialade kum ki dkhot ba pura bad ki Nongtrei ba shirthem jong ka Party Congress hapoh ka 1-Nartiang Assembly Constituency. Kiba bun na kine kiba pyniasoh ialade sha ka Party Congress ki dei na ki Nongtrei bashirtrhem jong ka National Peoples’ Party (NPP) bad katto katne ngut na ki dkhot bashitrhem jong ka Bharatiya Janata Party (BJP) bad na ki Nongtrei bashitrhem jong ka United Democratic Party (UDP) ka 1-Nartiang Assembly Constituency.
Ha kane ka sngi ka Party Congress ka la pynskhem ia u ma Emlang Laloo, u Kyrtong jong ka Party Congress u ban iakhun ha kane ka General Election 2023 sha ka ïingdorbar Thaw-aiñ ka Meghalaya na ka 1-Nartiang Assembly Constituency bad ia kane la wan pynskhem da u ma Vincent H Pala Member of Parliament (MP) jong Lok Sabha, uba long ruh u State President ka Meghalaya ha ka jingiadonlang u District Congress President Jaintia Hills, District General Secretary, ki President bad ki Secretary jong ki Unit jong ka 1-Nartiang Block Congress Committee bad da ki spah ngut ki Nongkyrshan jong ka Party Congress.
Ha kane ka sngi la ia donlang ruh u ma Nehimaia Tyngkan uba long uwei na ki Kyrtong jong ka Party Congress u ban iakhun na ka 4-Mowkaiaw Assembly Constituency ha kane ka Election 2023, u ma Rikut Parien General Secretary ka District Congress Committee Jaintia Hills District, bah Charles Marngar MDC Mawhati, Khasi Hills Autonomous District Council, bah Daminot Synliang President Block Congress Committee Mawhati, ma Victor Suja bad kiwei de ki longsan bad ki nongtrei bashitrhem jong ka Party Congress jong ka 1-Nartiang Assembly Constituency.
U ma Emlang Laloo haba kren ha kane ka sngi ula pynpaw ia ka jingsngewkmen kaba khraw ha ba ula iohi ia ka jingwan bun ki paidbah sha kane ka jingialang bad ka jingwan ki paidbah ka ai mynsiem ia u ba un nang iaid shaphrang na ka bynta kane ka Elakshon ban wan 2023. Ha ka juh ka por u kyntu ia ki paidbah ba kiba don ha kane ka jingialang ba kumba kila iawan kin sngewbha ruh ban ai wer ia ki wei pat ki paidbah jong ka Constituency khnang ba un poi sha ka jingjop ba donburom.
Katba na ka liang u President ka (MPCC) ma Vincent H Pala ula ai ka jingkyrkhu kyrdoh ia kitei ki dkhot thymmai jong ka Party ba kin trei shitom ban kynrong ïa ka eh ka shon jong ka Party bad ban pynkiew ia ka ha baroh ki liang, ha ka juh ka por u pan ruh ka jingkyrshan ba pura na ki paidbah ba ka seng Congress sa shisien ba kan wan biang ha ka bor ban ai ka jingshakri kaba bha tam ia ka ri hi baroh kawei. Ula ban jur ba ki paidbah kim dei ban ngop ha ka pisa ha ki por Elekshon namar ka pisa ka lah ban wanrah ka jingbabe hadien habud, ha kane ka sngi u ma Pala ula pyntikna ba u ma Emlang Laloo un long u kyrtong MLA na katei ka Constituency.
Ha kane ka sngi la pyniaid ia ka jingialang da u ma Elias Susngi uba long ruh u President jong ka 1-Nartiang Block Congess Committee.
