Ka KSU Jowai Unit lyngba ka Education Cell ka la noh synniang sngewbha da ki kot pule sha ki Khynnah Skul ba wan na ka longñing longsem kiba duna ka ioh ka kot bad kiba shem shitom ban thied kot skul ia ki khun ki kti jong ki.
Ha kane ka sngi ba la noh synniang ia ki tiar skul la iadon lang ruh da u General Secretary KSU WJHDU Leningrad Tariang, Nidapoi Shadap General Secy Jowai Circle, Ladaplin Hayong, Education Secy War Jaintia Circle, Ewanmi Phawa President Jowai Unit bad kiwei kiwei ki dkhot ka seng bad ki kmie ki kpa jong ki Khynnah Skul.
Ka jingthmu jong ka seng hi dei ban kyrshan ia ki khynnah skul, ban kiew ka pule puthi hapoh ka Bri hynniewtrep bad ban kiew ka jaitbynriew Khasi baroh kawei.
Ka Seng kan sa bteng ia kane ka kam ha kiwei ki rukom ban kyrshan ia ki samla pule, kane ka long kyrwoh na u Publicity Secretary ka KSU Jowai Unit u Samla Daohipaia Langstang.