U samla Aibanlang Lyngdoh uba na ka shnong Sutnga kum ka dak jong ka jingai sngewbha sngewbha Christmas ula ai da ki tin sop ïing bad ruh ki Solar Light sha ki ki longïing ba duk ha ka shnong Mooshrot, West jaintia Hill District.
Ia kane ka prokram sam jingiarap la pynlong ha ka jingiadon ryngkat u waheh shnong u ma Romis Lamare ryngkat bad ki rangbah ki Samla Jong katei ka shnong. Ha kattei la sngi na ka liang u waheh Shnong jong katei ka shnong haba ai jingkren u lah ai ka jingkhublei bad ka kyrkhu kyrdoh ia u samla Aiban u ba lah don ka mynsiem kaba kylluid bad kaba sbun bad u ba don ka mynsiem ban ai ka kti ka mon bad ka diang ban zam kum kine ki lad jingiarap zha ki longïing ba duk wat la u dei na kiwei pat ki thaiñ ruh.
Shuh shuh na ka liang jong u samla Justice Paul Lyngdoh u ba dei ruh u Education Secy Jong ka Khasi Student’s Union, Jaiñtia Hills District (KSU-JHD) haka juh ka por uba long ruh kum u Auditor jong katei ka shnong u lah pynpaw ka jingsngewnguh ia u samla Aibanlang Lyngdoh u ba kloi ban sam ka jingaisngewbha kum ka lad ban iarap ia ki duk ki rangli ha ki thaiñ u ba wan ai naduh na ka shnong Sutnga, East Jaintia Hills ba wat ki nongmihkhmat jong ngi kiba dei trai na ka thaiñ ruh ki dang leh klet naduh ki MLA/MDC ki shu lehklet ha kum kine ki lad jingiarap sha ki briew kiba don ha ka thaiñ kiba don ha ka jingkut lad jingkut lynti, la pynpaw shuh shuh u samla Justice.
