Ka Seng FKJGP-East Jaintia Hills haka kyrwoh Khubor bala pyllait da u Information Secretary ka seng u bah Michal Chyrmang, hadien baka seng kala iohi dang shen ba don ka jingkren ha Assembly da u wei u MLA ka Opposition halor ka Reservation Policy da kaba u ong ba dei ban bhah 47% ka bhah thungkam sha ki Khasi khlem da kynthup lang iaka ktien Jaintia kata haka jaka ba un ong Khasi-Jaintia, kane kadei ka jingbakla shibun ban ym pynmih Khasi-Jaintia namarba ka Seng hi ka sngew ba ym dei ban klet iaka Khasi-Jaintia bad Garo namarba ki Longshwa Manshwa kila saindur ia ka Meghalaya da ki Lai tylli ki Jaitbriew kata Khasi-Jaintia bad Garo.
“Haka jingshisha ngi ki nong Jaintia ngi la dei ban ioh la ka jong ka bhah Thungkam Thungjam namarba ngi ladon la ka jong ka Autonomous District Council. Haoid ngim lah ban Len ba ki Khasi Khara jong ngi kidei ki paradoh parasnam bad kidei ki hynmen ki para jong ngi ki Jaintia, ngi ia ieid kum shi para bad ngi iakit iabah lang ia ki Dawbah ka jaitbriew, la ha ka ktien ka thylliej ruh kam da iapher bha bad ym don ka jingiapher jingmut ruh, hynrei kumba la Saindur hi ia ka jylla Meghalaya jong ngi da ki Lai tylli ki Autonomous District Council Khasi, Jaintia bad Garo ngi dei ban burom lang iwei ia iwei, haba ki Longshwa ki Manshwa ki Saindur iaka Jylla ka mut kila iohi jngai bha ym dei ki shu leh biej, leh hakdak bad haba ka Sorkar Kmie ka ai Jylla/Autonomous District Council ruh kada Bishar bha bin pa bin bad ban shu pynjah ia ka Jaintia ngi kum ki nong Jaintia ngim Sngew iahap bad ngi pynrem jur namarba ngi ladon la ka jong ka Autonomous District Council, kamut aiu Autonomous District Council u Bah Ardent Miller Basaiamoit u tip bha iaka jingmut, ka jingtreikam jong ka. Haoid ngi sngewthuh ba u Bah Ardent u mut ban pyn ia tylli iaka jaitbriew hynrei ban iatylli kam mut ba hap ban pynjah syndon iaka Ktien Pnar/Jaintia Hills, ka jing ia tylli ka shong daka jingieid, ka jing iaburom iwei ia iwei bad khamtam ngin ia tylli iaki Dawbah ka jaitbriew khasi -Jaintia bad ngim dei ban klet ruh baka Jaintia kadon haduh 7ngut ki MLA jong ka”, la pynpaw ka kyrwoh na u Information Secretary ka seng u bah Michal Chyrmang.
