Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 2 tarik u Nohprah ha madan Kiang Nangbah Stadium, Dongmihsngi Jowai.
Ha ka jingïakhun Semi Final kaba nyngkong ka kynhun ïalehkai jong ka Demthring kala lah ban pynliem da 1-0 kol ïa ka Nangbah Mulang, ïa katei ka shikol na ka Demthring la thep da u Marshial Nongrum haka minit ba 90+2.
Lyngba kane ka jingjop jong ka Demthring kala ïoh ban rung sha ka phainal jong kane ka lympung mynta u snem.
Ka jingïakhun Semi Final 2 (Eliminator) kan long lashai ka sngi 3 tarik u Nohprah long hapdeng ka Wahiajer pyrshah ïa ka Ladthadlaboh SC ha ka por 1 baje nohphai sngi