Mynta ka sngi jong ka 19.12.2024 ki paidbah jong ka thaiñ Namdong ki la ialum paidbah ha phyllaw ka Dorbar Hall Shnong Namdong-B ban pynpaw ka jingiamynjur lang ka jong ki ban kyrshan pura ia u ma Damian. S. War uba dei ruh u Waheh Shnong ka Namdong-B, kumjuh u President ka FKJGP, West Jaintia Hills District, ban iakhun ia ka MDC Election 2025 sha ka JHADC na ka 10-Mynsngat Khanduli Constituency.
Ha kane ka sngi la ia don lang naduh u MDC ka thaiñ ma Dawan Lyngdoh, ma Lambor Lyngdoh Waheh Raij Namdong, Isidol Pakma Secretary Raij Namdong ma Arki Sumer Waheh Shnong ka Namdong-A, Assistant Waheh Shnong Namdong-B, ki dkhot Shnong na baroh ar liang ki Dorbar Shnong, ki nongialam shnong na ki Shnong kiba marjan naduh Waheh Shnong ka Lumrot ma Nobel Ryngkhlem, ma Chalbi Siangshai Assistant Waheh Shnong Madanratiang ryngkat bad ki paidbah ka thaiñ kiba la mih ryntih ban ia rai lang ia kane ka kam MDC naka 10-Mynsngat Khanduli constituency.
Ia kane ka jingialang la pyniaid da u Ma Linus Pale uba dei u Chairman ka Raij Namdong, ha kane ka sngi la ioh ka jingkren na kiba bun ki riew rangbah shynrang bad kynthei.
U MDC ba mynta u ma Dawan Lyngdoh haba ai jingkren ula ong ba un iatreilang bad ki paidbah ka thaiñ bad ruh ula ong ba ki paidbah ki dei ban jied ia u briew uba don ka jingmut kaba skhem bad ruh uba don ka jingkitkhlieh ban bah ia ka lyngkor kum u nongialam, u la kyrpad ia ki paidbah ban kyrshan ia u Damian S War ban bteng ia kane ka kam Nongialam napoh ka thaiñ ban leit mih khmat hangtei hapoh JHADC.
U ma DS War haba ai ka jingkren u la ong ba ka por kala biang ia u ban shim ia kane ka sienjam ban iakhun ia kane ka election MDC sha JHADC bad u la ong ruh ba lada un poi sha ka thong un peit lang salonsar khamtam bạn pynneh pynsah iaka khyndew ka shyiap bad ruh ban ia da iaka jaka ka puta khamtam ha ki thaiñ khappud.
