Ka Sein Raij Laskeiñ Block Committee Nalariti (SRLBCN), sa shisien kala pynbna ba kan pynlong ïaka jingïakop ‘Peh khaw’ ne ka Dorbar Kynrih Khoo Under 14-18 & Open to All, haka 23 tarik u Rymphang ha Raij Mynkrem Elaka Shangpung West Jaiñtia Hills District, kum shi bynta ban pynkhie im biang ïa kane ka rukom hikai jong kiba rim ba jah.
La ïathuh kumba long mynta bun na ki para kynthei kin nang shuh ban peh khaw (kynrih khoo) bad na kane ka daw kaba la pynlong ïa ka SRLBCN ban pynlong ïa kane jingïalehkai, khnang ba ki khynnah rit haduh kiba la heh la san kin nang ban peh ïa u khaw hashwa ban shet.
Naka liang ka SRLBCN ka khot bad ka wer ïa baroh ki khun ka bri u hynñiewtrep hynñiewskum kiba dang bat ïa ka ñiam Khasi Niamtre bad kiba dang ngeit ha ka ñiam rim (thmat ka trong) ba kin wan pynshong shit ha katei ka sngi.
La pyntip ruh ba kane ka dei ka sien kaba ar ban pynlong ïa kane ka Dorbar Kynrih Khoo, kane ka long katkum ka khubor ba la phah da u President ka SRLBCN ma Emjingmut Law.