U Myntri Rangbah Conrad K. Sangma ryngkat ka Kong Ampareen Lyngdoh, u Markus N. Marak (Lamphang ïing Dorbar), ryngkat katto katne ki Nongïalam sorkar (Govt. official) ki la leit ban hiar sha ka Shnong Siej kaba hap hapoh East Khasi Hills District (72 KM na Shillong) ban sakhi ia ka jingkieng jri kaba la shna hi da ka kti.
Ha ka jingleit sha katei ka jaka, u Myntri Rangbah ryngkat bad ka kynhun ki la leit lyngba ka bus 20 KM bad 10 minit lyngba ka kjat. Katei ka jingkieng kaba la don mynta 50 snem kadei lyngba ka jingsdang jong u Bah Hali War mynba u dang don 10 snem ka rta. Namar ka jingshem jingeh jong ki paidbah ban iaid lyngba ka wah ha ka por lyiur, u Bah War u kut jingmut ban sdang ia katei ka kam bad lyngba ka jingpruid dak jong u, ki paidbah hadien ki la shna shuh shuh ban pynskhem sa shi syrtap. Haduh mynta katei ka jingkieng ka dang skhem bad la pyndonkam ruh kum kawei na ki jaka jngohkai ha ka jylla.
U Myntri Rangbah u la iaroh ia u Rangbah Shnong bad ia baroh ki nongshong Shnong kiba la iasnoh kti lang ban buh ia kum kine ki Nongrim ki ban neh pateng la pateng kiba dei ruh ki jingsah kynmaw kiba wanrah burom ia ka jylla.
Ha katei ka jingïakynduh bad ka shnong u Myntri Rangbah u la kular ruh ba un pynbha ia ka surok, kata naduh Sohra haduh ka shnong Siej. Kum ban shu pynkynmaw, kane ka kadei ruh shi bynta jong ka ‘Cabinet Retreat’ kaba dei ruh ka program ba nyngkong ha ka jylla.
