Halor ka jingjia jingpynbthei ia ki bom dynamite ha Mynsngat Thangsko ha kawei na jaka tih dewïong beaiñ ha ka 5 tarik Rymphang 2026, katkum ka kyrwoh khubor ba ioh na state Disaster Management Authority ha ka 9 tarik Rymphang 2026 ka jingiap ki mynsiem briew ka la poi sha ka 28 ngut bad kiba mynsaw ki don 8 ngut.
Ki kynhun ka Search & Rescue team ba kynthup Ia ka NDRF, ka SRT, SDRF ki la pynkut ia ka jingwad haduh ka por 5 baje janmiet jong ka 9 tarik Rymphang 2026.
Haduh ba thoh ia kane ka khubor ka jingiap ki mynsiem briew ka la poi sha ka 28 ngut bad kiba mynsaw ki long 8 ngut.
Une uba la khladnoh mynta ka sngi u dei uba la tip kyrteng kum u Raju Tamang ba 34 snem ka rta, uba shah sumar ha NEIGRIHMS Hospital Shillong. Kumba long mynta ka sngi ym don met iap bala ioh tam thymmai.
