Ka long kaei kaei kaba sngewtynnad ban tip ba ka jingpang Covid-19 hapoh ka jylla kala nanghiar katba nangmih ki sngi. Kat kum ka kaiphod sorkar ba la iohlum mynta ka sngi la kdew ba haduh mynta ki dangsah sa tang 5 ngut kiba dang shitom na kane ka jingpang ha baroh kawei ka jylla.
Katkum ka kaiphod mynta ka sngi ym don kino kino kiba ngat thymmai ha kane ka jingpang, ym don kiba khlad bad ym don ruh kiba koit.
Kine baroh 5 ngut kiba dang don ia une u khniang jingpang kidei kiba napoh East Khasi Hills District.
Ka khubor na ka tnad ka koit ka khiah ka ong ba wat la ka jingpang kala hiar hynrei ki paidbah kim dei pat ban leh sting, hynrei ki dei ban long kiba husiar bad kiba long phikir bha ialade.