Ka Bouncers Association of Meghalaya (BAM) Jaiñtia Hills, ha kane ka 13 tarik Nailur kala sdang ban rakhe ïa ka jingdap 4 snem bad haka juh ka por kala ïoh ban pynskhem ïa ki nongkitkam ba thymmai naka bynta u snem 2024-2025 haka jingïalang bala pynlong ha District Library Auditorium Mynthong, Jowai.
La pyntip kane ka jingrakhe dap snem (Anniversary) ka Bouncers Association of Meghalaya (BAM) Jaiñtia Hills yn lehkmen shi snem lynter da ki prokram bapher bapher bad kan kut haduh ka 14.09.2025.
Ha kane ka sngi ka kong R. Suchiang WPSI. West Jaiñtia Hills District kala long kum u kongsan, haka jingdonlang u Dolloi ka Elaka Jowia ma Puramon Kynjing kum u symbud kongsan, u Adviser ka seng ma Iahmioo Khyriem, ki dkhot ka BAM-JH nalor kiwei de kiba la shah khot sngewbha.
La ïathuh ïa BAM-JH la seng ïa ka haka 14 tarik Nailur, 2020 ha nongbah Jowai bad lyngba ka jingdon kane ka BAM-JH kala plie lad ïa ki khun samla ban ïoh kam ïoh jam bad haka juh ka por ka ïarap ïa ki khun samla ban lait na ki jingsniew kiba ha rukom haka imlang ka sahlang.
Ka kongsan jong kane ka sngi haba ai jingkren kala ai ka jingïaroh ïa nongkitkam ka BAM-JH kiba la aiti met bad mynsiem ban shimti ïa kane ka kam, ban ai ka jingïada na ka bynta ka jingshngaiñ kiwei, kumta ka kyntu ban don ka mynsiem trei shitom da kaba khuid ba suba khnang ba kano kano ka jingtrei kan long kaba jop.
Kala pynsngew ruh ba ka Bouncers Association of Meghalaya ka dei kawei na ki kynhun kaba ïajan bha bad ka tnad Pulit lada don kino kino ki kam kiba wanrah ïaka jingshong suk shong shngaiñ.
Ha kane ka sngi la pynbam smai ïa ki nongkitkam ba thymmai ka BAM-JH naka bynta u snem 2024 & 2025 kiba long kumne Chairman Mr. Forme Kharbina, President Mr. Yoosar Kynjing, Working President Mr. Ram Passah, Asst. Working President Mr. Bakhraw Kupar Sumer, President Mrs. Corita Langbang, Asst. Vice President Mr. J. Lonel Passah, General Secretary Miss. Pretty Lyngdoh, Asst. General Secretary Mr. Jasmin Dkhar, Publicity Secretary Mr. Mephrangki Suiam, Asst. Publicity Secretary Miss. Rihokmika Sumer, Sports Secretary Mr. New Sonroy Pyrbot, Asst. Sports Secretary Miss. Sawakani Lakiang, Cultural Secretary Miss. Jenefer Lyngdoh, Asst. Cultural Secretary Mr. Emlang Nanglein, Environment Secretary Miss. Kpienlang Ryngkhlem, Asst. Environment Miss. Tipdaka Papeng, office Secretary Mr. Donbor Tariang, Asst. Miss. Ritreka Passah, Discipline Secretary Mr. Amos Dkhar, lem bad 3 ngut ki dkhot ka Executive Committee.
Ha ka por janmiet jong kane ka sngi sdang rakhe kala don ka jingiakop shad tynrai ïa ka nam ba nyngkong la ïoh na ka shnong Shangpung, ba ar na Raliang bad ba lai na Sahsniang.
