Ka Khasi Students’ Union (KSU) West Jaiñtia Hills District Unit hynnin ka sngi hapoh ka jingïalam u Vice President samla Chanbor War, General Secretary Leningrad Tariang lem bad ki dkhot kila leit kynduh ïa u Deputy Commissioner West Jaiñtia Hills District, ban dawa ai jingïarap sha ki khun jong u lanot (L) Tellme Talang uba shah pynïap dusmon ha ki briew bym lah ban ithuh kaba la jia ha ka 29/05/2024 ha jaka rep lyngkha jong u hajan khappud bad ka Assam.
Ha kane ka jing ïakynduh u DC u la kular ban shimkhia na ka bynta ban ai jingïarap sha ka ïing une u lanot bad ula kular ruh ban bthah ïa ki Officer ban shimkhia bad ban pynkloi ïa ka jingïarap, ula ong ruh ba mynta ka jingthohkit ka dang ïaid shakhmat halor ka jingshah pynïap dusmon utei u rangbah.
Ka seng ka la dawa ruh na u DC ban pynsted ïa ka jingthohkit bad kem noh mardor ïa kiba donkti ban pynïap ïa u (L) Tellme Talang, pynkut ka kyrwoh khubor na u Publicity Secretary KSU West Jaiñtia Hills District Unit.
