Ha ka 15 tarik u mynta u bnai ka President jong ka East Jaintia Mahila Congress Committee kong Jhanika Siangshai ka la leit ban ai da ka dorkhas ha u Deputy Commisioner jong ka East Jaintia Hills, halor ka jingbym siew bai lutksan (land compensation) jong ka NHAI sha ki long ïing ha ka thaiñ Wapung Skur bad Ladrymbai.
Kat kum ka jingujor ba la ioh da katei ka President la iathuh ba don ki longing ba shah ktah ha ka jing pynjulor ha ka NHAI ia ka jaka jong ki ha jingpynheh surok jong ka, nalor ka jingbym shna ia ki nala kiba bha kumta baroh ki um jakhlia na ki surok bah kila rung sha ki ïing briew.
Shuh shuh ha ka por ba jur slap ka umsaw ka tuid beit sha pohïing, sha ki jingthung jingtep ka ba la wanrah ka jingjulor. Nalor kane kaba phyla ka long ba ka NHAI kam pat ai jingsiew ia ki katto katne ki longing kat kum ka jingujor ba la ioh kaba long katkum ka ain jong ka Act 2013 Right to fair compensation kaba batai shai ba lada kano kano ka jaka ka shah pynjulor ki trai jong ka jaka ki don hok ban ioh jingsiew, kumta na ka liang ka Seng ba peit ia ka imlang sahlang ka dawa na u DC ban siew noh ia kane ka compensation ia baroh ki longing ba shahktah ha shuwa ban kut ka financial year, lym kumta ka seng kan hap ban leh da ka RTI.
Kane ka long katkum ka kyrwoh ba la pyllait da i President jong ka East Jaintia Hills Mahila Congress Committee ryngkat ka jingdon jong ka vice President kong Genevieve Siangshai.
