Ka Federation of Khasi Jaiñtia & Garo People (FKJGP) kala dawa na u Assistant General Manager ka State Bank of India, Shillong ban buh kawei ka ATM Machine hapoh ka shnong Shangpung, West Jaiñtia Hills District.
Kane ka jingdawa jong ka seng ban don ka ATM Machine jong ka SBI, ka long shi bynta ban pynsuk ïa ki nongshong shnong ka thaiñ bad kumjuh ruh ïa kiwei de ki para shnong ba marjan.
Shuh shuh ka seng kala pynpaw ïa ka jingeh kaba ki paidbah ki ïa kynduh na ka por sha ka por khamtam haka rukom ban leit shim pisa namar ka jingduna ki kor ATM bad la dawa mynta ban buh sa kawei ka kor ATM ha ki bynta ka Shangpung Mission ne Shangpung Pohshnong (Trekhim).
La pynsngew ruh ba ka shnong Shangpung ka long ka shnong kaba la heh bha hapoh Jaiñtia Hills bad ka jingbun briew ha kane ka shnong bad ki marjan shnong kam duna ïaka shilak ngut, nalor kata ka Shangpung ka dei kawei na ki shnong kaba long Commercial Center bad ka shnong ba la bun ki office sorkar jong ki tnad bapher bapher. Kumta ka shnong kala donkam bha ban don ïa ka ATM machine, la pynkut ka kyrwoh na u President ka seng u ma Pynbiang Chullet.
