Ka seng Hynniewtrep Integrated Territorial organization (HITO) Elaka Chilliang Myntang mynta ka sngi hapoh ka jingialam u Secretary u Resto Sten ka leit ban ai daka dorkhas ha u Sub Division Officer ka Distribution ban dawa ban pynpoi bording noh haka shnong Barato -C ka ba la mad iaka jingshongdum la kumba 9 – 10 snem mynta.
Katkum ka jingwad bniat jong ka seng la lap ba bun ki longiing longsem kiba la shu sah dum baroh shi katta khlem ka bording elektrik bad ka seng kala dawa baka MePDCL ka dei ban pynbiang birding noh mar mar hapoh 15 sngi bad ban leh ei ei lym kumta ka seng kan sa shim da kiwei pat ki lad ki lynti la pynkut ka kyrwoh.