Ka Jaintia National Council (JNC) Khliehriat Circle mynta ka sngi ka 16/10/2023 hapoh ka jingialam u Education Secretary bah Diamon Bareh bad u Vice President bah Shanborlang Bamon, ki la leit ban buh da ka jingthoh sha ka office u DC ha East Jaintia Hills District, Khliehriat ban kyntu ia ka NHAI kaba dei peit iaka tnat surok NH6 ba ka dei ban phah briew ban synreit um ia ka surok khamtam ha Khliehriat kaba lah dap mynta sa da ki pum pum ba mih na une u surok ha ka ar-sien shi sngi khamtam ha ka por leit skul bad wan skul ki khynnah ban pynduna ia ka jingmih ki pum pum, namar ba lyngba une u pum pum ba mih na une u surok ka la ktah lut ia baroh ki ïng ki sem, ki dukan, khamtam ki khynnah skur, bad ia baroh hi ki briew kiba iaid lyngba une u surok NH6. Ha Ka jingthoh ka seng seng kala pynbor ruh ia ka NHAI ban maramot kloi ia une u surok namar nangne shakhmat ka mariang ruh ka la biang ban shna noh kumba ka NHAI ka lah kular ban leh khnang ba kan long hi ka jingmyntoi ia u paidbah ba iaid lyngba une u surok.
Kum ban shu pynkynmaw ba ha kine ki sngi ba la dep ka seng kala ujor shaduh sha ka tnat Ministry jong ka Road Transport and Highway bad naka Liang ka NHAI ka la ai jubab da kaba ong ba lah dep ban phah iaki ar tylli ki contractor kata ka SL infra Ltd bad ka MR Ltd ban maramot noh ia u surok NH6 naduh Jowai shaduh Ratacherra.
Halor katei ka phang ban synreit um ia u Surok na ka liang u DC ka EJH u A. Baranwal, IAS, u la kular hakhmat ka seng ba un shimkhia ia kane ka jingdawa jong ka seng bad u la ong ruh ba kane kadei ka biang eh namar ka pum pum kalah ban ktah iaki nongiaid lynti khamtam ki khynnah skul bad u la bynrap ruh ba un phah ia kiba dei ban peit iakane ka kam bad ba kin leh iaka jingsynreit um haka arsien shi sngi kata haka por leit skul bad ba wai skul.
Naka Liang jong ka seng ka pynpaw iaka jingsngewnguh ia u DC ba u la kloi ban shimkhia halor kane ka kam kaba donkam eh naka bynta ka bha ka miat u paidbah.
[Advertisement]