Ka Jaiñtia National Council (JNC) mynta ka sngi kala pynrem jur ia ka jingjia jong ka jingkhlad noh jong kawei ka longkmie kaba la tip kyrteng kum ka kong Pynchei Bareh na ka shnong Jalaphet, East Jaiñtia Hills District.
La iathuh ba kane ka jingkhlad noh jong katei ka longkmie ka dei na ka jingleh bym suid ñiew jong ki Doctor bad ki nurse jong ka Hospital MCH Jowai.
Na ka liang jong ka seng kala buh ia ka jingdawa na ka sorkar ba ka dei ban shim ia ka jingkitkhlieh ban pynbiang lut ia baroh ki jingdonkam jong ki hynñiew ngut ki khun jong ka kong Pynchei Bareh.
Ha kajuh ka por ka Council ka la kyntu ia ka ophis DM&HO, West Jaintia Hills District ban shimti ia kane ka jingjia bad ban pynlong ka jingtohkit ban ioh pynshitom ia kiba donkti. “Ka jingshim ia ka jingim briew ka long kaei kaei kaba ym lah ban pdiang” pynpaw ka JNC.