Ka Jaiñtia National Council (JNC) CEC mynta ka Sngi hapoh ka Jingialam u Bah Wanshwa Suting General Secretary Sengkmie ryngkat bad ki nongialam ka CEC kila leit ban iakynduh markhmat bad u CEM ka JHADC ma Thombor Shiwat ryngkat bad ki dorkhas halor ka phang ban thaw noh daka dorbar ba kyrpang ban dawa naka sorkar jylla ban pynrung ia ka ktien Pnar hapoh ka Meghalaya State Language Act (MSLA), bad ban thaw daka aiñ kaba khlaiñ ban pynneh pynsah iaka ktien ka thylliej bad iaka Riti ka Dustur hapoh ka jingpeit ka JHADC.
Ka seng haka jingthoh kala pynpaw baka JNC kadei kawei naki seng napoh ka Ri Jaiñtia kaba mih shakhmat ban dawa na ka sorkar jylla ba kala dei ka por ban pynrung noh iaka ktien Pnar (kaba long ka ktien pdeng hapoh Jaiñtia) hapoh ka Meghalaya State Language Act bad ba ka JHADC ruh kadei ban don daka aiñ kaba kyrpang na ka bynta ban pynneh pynsah ia ka Riti Dustur khamtam haka rukom ai jait ka jong sha i kmie bad ia ine i mat dawa ka seng kala juh pynsngew ruh ha kylleng ka Ri Jaiñtia lyngba ka Save Jaiñtia Mission.
Haba iakren bad u CEM, ka seng kala pynpaw ba,
- Kumba ka JHADC kalah mynjur ban ithuh noh ia ki dak thoh A-B Jaiñtia, bad iakane ka rai ruh la dep ban pynbna ha ki lad pynmih khubor ka jylla ha u snem 2021.
(i)Ka JNC ka pynpaw ruh iaka jingsngew ba la donkam iaka JHADC ban sdang noh ban pyndonkam iaki dak thoh A-B Jaiñtia haki jingthoh jingtar ki jong ka, khamtam haki kam shna aiñ, haba pynmih iaki jingpyntip ki bapher bapher ki jong ka. Ka JHADC ka dei ban wad iaki lad ki lynti ba kumno ban leh ban ioh pynrung iaki dak thoh Jaiñtia khamtam haki skul kiba hap hapoh ka jingpeit jong ka.
(ii) ka seng ka pynpaw ruh ba donkam iaka JHADC ban pyntreikam (pass) noh daka Rai (resolution) hapoh ka Dorbar jong ka ban dawa naka sorkar jylla ban ithuh noh iaka ktien Pnar kum kawei naki ktien ba don iaki jingthoh jingtar (official) hapoh ka jylla Meghalaya da kaba pynrung ia ka ktien Pnar hapoh ka Meghalaya state language act, haba im ka ktien im ka jaidbynriew. - Kaba pyniapher iangi ki khun ka Ri Jaiñtia (pnar, War, khynriam, bhoi) na kiwei pat ki para riewlum hapoh u pud u sam ka Ri Jaiñtia ka dei ka rukom ai jait ka jong ngi sha i kmie.
Ngi kum ki khun u Hynñiewtrep naduh kulong kumah, u barim bajah u juh hikai iangi ba ka jait kan dei beit sha i kmie bad haduh mynta ngi iai bat iaka. Ha kane ka pyrthei stad mynta, lah don kiba pyrshang ban ialam bakla iaka jaidbynriew jong ban pynkylla iakane ka jinglong ba kyrpang jong ngi, dei na kane ka daw baka JNC ka mih shakhmat ban ai jingmut iaka JHADC bala donkam kyrkieh ban shna noh daka aiñ kaba khlaiñ naka bynta ban iada iakane ka Riti ka Dustur jong ngi.
Katba ngi dang lah ban iada iaka Riti ka Dustur ngi dang lah ruh ban ong ba ngi long ka jaidbynriew bad kyrpang tam bad kine kiwei pat ki riewlum ruh kiba shong lang bad ngi kin nym lah ban kam trai iaka Ri jong ngi namar ngi iapher lut bad ki. - Ka JNC ka kyrpad jur iaka JHADC lyngba u CEM badei ban don noh daka dorbar ba kyrpang ban iatai bad kine ki mat dawa ka seng.
Naka Liang u CEM u ruh u mynjur iakane ka bynta bad u la kular ruh ban buddien ia kane ka kam ha kine ki sngi ban sa wan khnang ban myntoi ki nong Jaiñtia hi baroh kawei, namar ula pynkynmaw ruh ba iaki dak thoh AB Jaiñtia ka JHADC kala dep ban phah shaka sorkar jylla bad haduh mynta ka dang neh hapoh ka Law Department ban bishar bniah.
