Ka Joint Meeting hapdeng ka WjSU bad ki Sports Club bapher bapher hapoh ka thaiñ Warjaiñtia kala long ha ka 28 tarik u Jylliew, 2025 ha Ladjaplem, Amlarem Civil Sub-Division kila ïoh ban ïaphylliew jingmut bad ïatainia bha kumno ban pyrshah ïa ka jingpyndonkam bakla ïa ka pisa paidbah ha ka ban shna ïa ka Synthetic Football Turf ha madan bol Ladjaplem, Amlarem kaba dang trei shait shait mynta.
Ha kane ka meeting la wan ban ïashim bynta da palat 30 tylli ki recognized Sports Clubs jong ka thaiñ War Jaiñtia. Ha ka jingdonlang u Chairman ka Expert Committee bala thung ka Sports and Youth Sub Committee ka seng Bah Alban K Gashnga (Chief Adviser ka seng) ryngkat 2 ngut ki Civil Engineer bad 2 ngut ki Synthetic Turf Installation Experts, u General Secretary ka seng samla Everest Langstang, Vice President samla Heartcasing Dkhar kiba la pynpaw ïa ka jingsngewbyniaw halor ka jingkheiñ poh palat pud ïa ki paid ka thaiñ da kaba shna kput ïa ka Sports Infrastructure hapoh ka thaiñ kum ka sem ri mrad khlaw.
U General Secretary ka seng Samla Everest Langstang ula pyni paidbah ïa ka reply ka RTI ba la ïoh pdiang na ka nodal agency ba pynïaid ïa ka jingshna ïa kane ka madan ka State Sports Council Meghalaya, Shillong. Katkum ka RTI kane ka project ka kot sha ka Rs. 7.93 Klur tyngka.
U Vice President ka seng samla Heartcasing Dkhar ula batai bin pa bin ïa ka RTI, ki jingkdew na ka RTI bad ka Actual Market Rates katkum ka jinglap na ki sources hadien ka jingphylliew jingmut bad ki expert committee.
La pyntip ba ka don shibun ka jingpynïapher hapdeng ka Over estimation bad ka Actual Market Rates jong ki dor ki mur ba ïadei bad katei ka jingpyntrei.
Ha ka jingleit jurip ïa katei ka project da ki nongïalam ki Sports Club bad WjSU la lap bun ki jingduna suda, kumta na ka liang ki dkhot kila pynrem jur ïa kane ka jingshna kheiñ poh ïa kane ka madan hapoh ka thaiñ. Ka dor estimation ka kham palat ban ïa ki madan football ha Ri Europe hynrei ha Spot pat kum ka jaka pynïalehkai shrieh. Kane ka pynishai kdar ba kane ka kam dei ba ki ïalehkai ia ka hok ki paid ka thaiñ.
Ka jingialang da kawei ka sur ka la rai ban aiti ha ka Sports and Youth Sub Committee ka seng ban leh ïa kaba donkam kata 1) Ban leit khang syndon da u paid byllien lada i donkam. 2) Ban dawa tohkit da ka CAG ka Sorkar India. 3) Ban tied ïa ka jingkhang ka Hon’ble High Court ban tohkit bad ban rai ïa ka hok ki paid ka thaiñ. La pynkut ka kyrwoh bala phah na u Gabriel Shylla, Publicity Secretary ka WjSU Central Body Amlarem.
