Ka Jaiñtia Students’ Union (JSU) Shillong Circle da ka jingkyrshan ka JSU Central Body mynta ka sngi kala phah da ka jingthoh sha u Home Minister uba dei ruh u symbud myntri rangbah ka jylla u Bah Prestone Tynsong ha kaba ïadei ban khang Internet haka por ba don exam thep kam (job exam), khnang ban lait na ki jingleh thok ki nongthoh exam kiba don ïa ka jingmut ban leh ïa kum kine ki kam.
“Na ka liang ka JSU Shillong & JSU seng kmie kila shim ïa kane ka rai ban ai jingmut ïaka sorkar ban khang internet, hadien ba ka seng kala ïoh bun ki jingmudui (complaints) na ki paidbah, ba ki nongwad kam kiba kwah ïa ka lynti kaba khuid”, ong u A. Suchiang, Adviser ka seng.
Da kaba khang internet lah ban pynduh ïaki kam lehthok ha kapor exam. Khamtam ha kane ka juk Artificial Intelligence lane AI ka long kaba suk bha ïaki ban leh tuh namar ki lah ban ïoh ïaki jubab ba paka da kaba pyndonkam ïa ki katto katne ki AI tools.
“Nalor ka khang internet, dei ruh ban talasi bha ïaki candidates ha gate, ha exam hall bad ban buh ki CCTV ha man ki exam hall”, la ong u shuh shuh u bah A. Suchiang.
