Ka Jaiñtia Students’ Unoin (JSU) seng kmie ka la phah ïaka shithi ujor sha ka myntri Sorkar ka tnat koit ka khiah ka jylla, ban pynshai halor ka result ba dang shu mih haka 27 tarik u bnai September, 2024 namar kane ka jingpynmih result hapoh ka website www.meghealth.gov.in kam i long satia kaba i shañiah.
Ka seng ka lap ba la shu pynmih tang da ki Roll Number jong ki nongthoh eksamin bad la lap ruh don ki Roll Number kiba mih ar sien haka result sheet bad na liang ka seng ka lah ong ba ka tnat DHS ka dei ban pynshai ïa kane ka rukom pynmih result bad kane ka rukom leh ka buh jingdum bad pynartatien ïa baroh ki nongthoh eksam Staff Nurse.
Ka seng ka la ong haka jingshisha kat ïaka written eksam lah dei ban pynmih result da ki jingïoh marks ki nongthoh eksam bad yn tip katno ki ïoh bad ym dei ban shu pynmih tang dep tang da ki Roll Number namar kane ka pynartatien ïa ka seng ba ïoh ba don eiei sha lyndet ha ka rukom thung kam thung jam ha ka tnat ka koit ka khiah ka jylla.
Ka seng ka la dawa na ka sorkar jylla lyngba ka myntri ba dei ban tuklar shisien don bad pynmih da ki marks khnang ban shai lang baroh.
Halor kane ka seng ki la ïoh ruh ban ïakren bad ka myntri sorkar ka Ampareen Lyngdoh bad ka la ong ba in shim khia khnang halor kane bad i la dep bthah ïaki ophisar ka tnat DHS bad ki dei ban pynmih lang ïaki marks bad answer key khnang ba kiwei ki shai halor kane ka result Staff Nurse bad ANM.