Hadien ka jingud jing nam jong ki paidbah ka thaiñ kiba hap hapoh ka Namdong CHC bad kumjuh ha ka Barato PHC mynta ka sngi ka KSU West Jaiñtia Hills District Unit kala leit buh jing ujor sha ka ophis treikam jong ka District Medical & Health Officers West Jaiñtia Hills District.
Ha kane ka sngi la ïadon lang ki nongïalam jong ka Barato Unit hadien kiba la pynsngew ïa ki jingud jingnam na kiba bun ki paidbah khamtam ki kynthei bad ki longkmie pyrshah ïa u Doctor ba don ha ka Barato PHC u Doctor ba dei peit ïa kane ka PHC ula leh shibun ki kam ki bym ïahap bad ka imlang sahlang bad la pynsyier mynsiem ïa kiba bun wat tang ban leit phah check up ne wad jingsumar ha katei ka PHC.
Hadien kane ka jing kynrum kynram ka seng kala ïai ap baki bor pynïaid kin weng ïa une u Doctor hynrei haduh mynta ba ïa utei u doctor ym shym la pynkynriah na katei ka PHC wat hadien katei ka jingleh jong u.
kumta na ka liang ka seng ka dawa na ka DMHO ba dei ban weng noh ïa utei u doctor na katei ka PHC khnang ba ki paidbah kin shngaiñ biang ban leit phah sumar bad leit shim dawai na katei ka PHC kumba long lem kiwei ki jaka sumar.
Haba ïadei bad ka CHC Namdong ka seng kala pynsngew bad buh jingthoh naka bynta ban maramot noh ïa u surok jong ka CHC Namdong namar u la sniew shaba palat.
Kumban shu pynkynmaw ba ïa une u surok naka por sha ka por ka seng kala pynsngew bad ai ïaki jingthoh hynrei ka Department badei peit kam leh eiei bad ruh wat sha ka kong Mazel Ampareen Lyngdoh kaba dei ka Minister jong ka koit ka khiah kaba la kular ban phah tuklar noh mardor ïa kane ka jingdawa hynrei haduh mynta ki khlem leh eiei.
Kumta ka seng kala kyntu jur ïaki bor badei khmih ban maramot noh mardor khnang ban suk ki longkmie kiba Ar-met kiba wan shim dawai bad kiba shim ïaka jing sumar.
