Ka Khasi Students’ Union Nangbah Unit ha ka 8 tarik mynta u bnai hapoh ka jingialam jong u President Samla Morningstar Pasi bad u Organising Secretary Samla Sundayborn Thubru, ha ryngkat ka jingiasynran lang jong u Samla Rangbah Ohibait Dkhar President KSU Jaintia Hills District Unit, kila leit ia kynduh ia u Superintending Engineer PWD Rds Jowai Circle, Jowai ban ai jingthoh na ka bynta ban maramot noh ia u Surok J.N.K.K naduh 0-7 KM.
Ka seng ha katei ka jingthoh kala pynkynmaw ruh ia ka office ba ia utei u juh u surok la dep ban maramot (repaired) dang mynshem snem, hynrei kaba sngewsih ban iohi ba u tei u surok u la nangsniew shuh shuh. Ka seng ka kdew shuh shuh ba ia u tei u surok la iaid lyngba ym tang ki khun jong ka Shnong Nangbah hynrei u dei u surok u ba ia iaid lang da kiba bun ki shnong kiba marjan bad kiba dei iaid lyngba.
Ha ka jingiakren ka seng bad utei u officer u la kular ban phah ia ki staff bad kumjuh ia u SDO ban leit jurip ha ryngkat bad ka seng ban ioh ia pynbeit bad ban leh ia kaba donkam.