Ka Umsning People Front (UPF ) hynne ka sngi ka 7 tarik Nailar ka la wan iakynduh ia ka DGP ban pynsngew halor ka jingdonkam ban buh ia traffic Branch & Fire & Emergency ha Umsning.
Haba kren bad ki nongthoh khubor na ka liang u Chairman u Dr David lyngdoh u la iathuh haba iadei bad ka Fire Emergency Station ki la wan ban leh ia ka inspection bad ka Umsning Town Dorbar ka kloi ban ai ia ka jaka na ka bynta ban buh ia ka Fire & Emergency Station.
Shuh shuh na ka liang ka Umsning People Front ka la iakren ruh haba iadei bad ka Traffic Branch namar ka traffic branch ka long kaba donkam haduh kata kata namar ka Umsing ka khapniah bha ha ka por ba dei ka sngi iew namar ka jingbuh kali klumar bad ki briew jong ka shnong kim lah ,bad donkam da ka tnad pulit ban buh noh ha Umsning .
Kumba long kumta ka umsning ka la ioh ia ka police station bad ka kham suki ka rukom treikam kumba long kiwei ki Police Station, bad kane lehse ka dei na ka daw ka jingduna ki nongtrei , bad iohi ruh ba ki nongtrei ki wan trei bad ki la leit noh kloi, bad kane ka dei ka kam jong ki .
Shuh shuh u la ong kaba sngewkhia ka long ba lada um lah ban buh ia ka traffic branch ha Umsning ka jingkhapngiah kan iai sah kumjuh bad kan don beit ka jingdhengkali na ka por sha ka por.
Nalor kata u la ong ka Umsning ka la ioh ia ka kawei ka surok ban iaid lyngba ka NH-6 bad ka Umsning ka dei ka jaka khaïi pateng, ka ba dei kawei napdeng jong ki iew kaba baroh baroh ki ia thied ki ia pet khamtam ha ka sngi iew.
Kumta na ka liang ka kynhun ka la iakren bad i DGP bad i DGP i la pyntip ba in shimkhia haba iadei bad ka jingdonkam ban buh ia ka traffic branch ha Umsning bad i la pyntip ba in ia kren bad ki bor ba peit ia ka tnad pohïing ba kane kan wan ha ka Sanction ban buh da ki Home Guard ba kin pyniaid ia ki kali ha Umsning.
