Ka Khasi Student Union (KSU) Wapung Unit hadien ba ka la dep leit ujor ha Autonomous District Council (JHADC) ha kane ka 23/08/2023 hapoh ka jingïalam u President u Samla Deiniwan Lyngdoh bad samla Shwari Ryngkhlem GS ha ka jingïasynran lang u Samla Pynshai Kupar Dkhar Asst. Secretary KSU EJHDU bad Samla Hamewanpynhun Ryngkhlem kila leit ban ai ujor sa sha u Chairman Meghalaya State Pollution Control Board ban khang kyrdep noh ïa ka Abhi Coke Pvt ltd.
Ka Seng ka lap ba ka jingdon kane ka coke kam don jingmyntoi ïa u paidbah hynrei ka wanrah pynban ka jingma suda ïa u paidbah. Ka Seng ka lap ruh ba kane ka coke ka la pynkheiñ ïa ki aiñ ki kyndon jong ka EIA 2006 ha ka jingpynmih coke, katkum ka EIA 2006 kane ka coke ka dei ban pynmih ïa u coke ha ka shisnem 25000 hajar metric tons hynrei ka la pynmih ym duna ïa ka 36000 metric tons ha ka shisnem.
Ka Seng kam shongthait ban ïaid shaphrang ban dawa ban khangkyrdep ïa kane ka Abhi Coke Pvt ltd.
Ka Seng kala dawa na u Chairman ka MSPCB ba dei ban tohkit bha lyngba ka ophis jong ki ïa kane ka coke bad kumjuh ruh kat kum ka EIA guidelines.
Ka seng kam shongthait ban ïaid shaphrang katba kane ka coke kam pat khang kyrdep lada shim por da ki snem ruh ka Seng kan ïaid skhem ha ka nongrim ba u paidbah un ïoh ban im suk ban ïoh ban ring mynsiem da ki lyer ba khuid.
Ka Seng ka dap ruh da ka jingsngew phylla ba ki briew jong kane ka coke ki la tyrwa bai bnai ïa ka seng lada kim ïaid shaphrang. Ka kyrwoh ba shai sha ki briew kane ka coke “Phim lah ban thied ïa ngi da lei lei ruh ngin ïeng skhem ha ka nongrim ba skhem ngim shongthait ban ïaid shaphrang ban dawa lada shim por da ki snem ruh” ong ka seng.
Shuh shuh ka seng ka kyrmen skhem ba ha kawei kapor kin sa ïoh ïa ka jingjop ba u Paidbah un ïoh ban im suk ban ïoh ruh ban ring ïa ki lyer ba khuid. Pynkut ka kyrwoh na u Samla Shibaitlang Rymbai Publicity Secretary KSU Wapung Unit.