Ki ar tylli ki sengbhalang ka Meghalaya People United Front (MPUF) bad ka Jaintia Youth Federation (JYF) jong ka Ladrymbai Unit mynta ka sngi kila leit buh da ka jingthoh sha u Assistant Executive Engineer, Khliehriat Distribution Division, na ka bynta ban dawa na utei u ophisar ban bujli noh ia kiba bun tylli ki nar post electric kiba la sarang bad jan kdiah artad.
Kum kitei ki nar post electric ki don ha ki bynta jong ka shnong Ladrymbai Dongwah, Ladrymbai Khlieh Dupon bad Ladrymbai Datsimpein. Ki nongialam jong kine ki ar seng kila ban jur ia utei u ophisar ban leh kloi ia kane ka kam namar kane ka lah ban wanrah ia ka jingmynsaw ia ki nongshong shnong ha kano kano ka por bym poi pyrkhat.
