Ki nongshetja sngi (PM POSHAN Cook cum Helper) ïa ki Khynnah ha ki school bapher bapher ha kylleng ka Eastern West Khasi Hills District, ki la pynlong ïa ka jingiakynduh lang ha ka 09/12/2022 ha Mairang Presbyterian Lower Primary school, Mairang. Ha ka jingïalam ka Kong Kyntinora Wahlang President bad ka Kong Sngishailin Marbaniang Genl secy ka tnat Eastern West Khasi hills, jong ki nongshet ja sngi.
Ha kane ka jingïakynduh la don lang u Bah Khroo L Pariat, nongaibuit nongkyrshan ka All Jaiñtia MDM Workers Union bad ïa ki jong ka jylla Meghalaya, uba la ai ka jingbatai bniah halor ka mat ka jingdawa na ka sorkar jylla ban pynkiew noh na ka bhah ka jong ka ïa ka jingaisngewbha (honorarium), ka jingdawa ban ai da ki tyndong shet ja (LPG) bad kiwei kiwei.
Ha kane ka jingïalang la shim ïa ka rai ban kyrpad ïa u Conrad K Sangma Myntri Rangbah bad ïa u Lahkmen Rymbui Myntri ka shnat ba peit ïa ka pule ka jylla, ba kin isynei ban pynkiew noh ïa ka jingaisngewbha nalor ka 100 tyngka ba mynta ha ka shibnai bad ban ai shuh sa 1000 tyngka ha ka shibnai bad ka jong ka sorkar kmie ba mynta ₹900/bnai kan long lang 2000 tyngka. Kumjuh la dawa ïa u Narendra Modi Myntri Rangbah duh ka ri ban pynkiew ïa ka bhah na ka sorkar kmie sha ka ₹3000/bnai, khnang ba ka jingim ka jong ngi ki nongshet ja sngi ngin shngaiñ khamtam kiba bun ki dei ki Longkmie ki Kynthei. Ngi kyrmen ba u Bah Conrad K Sangma Myntri Rangbah uba don u dohnud uba bha na ka bynta ka jong ngi kiba Kyrduh kiba ïarap ban pyntreikam ïa ka PM POSHAN, ba un sngap ïa kane ka jingud jingnam ka jong ngi.